Польша, Литва және Латвия президенттері НАТО-ға Беларусь қаупі туралы ескертті

Үш президенттің пікірінше, Беларусь аумағында тактикалық ядролық қаруды орналастыру және Вагнерді көшіру қоғамға қауіп төндіреді.

Литва президенті Гитанас Науседа поляк және латвиялық әріптестері Анджей Дуда және Эгилс Левицпен бірге НАТО бас хатшысы Йенс Столтенбергке Беларусь тарапынан қауіп төніп тұрғанын ескерткен хат жазды. Бұл хатты Литва президентінің баспасөз қызметі таратты, деп хабарлайды «Европейская правда».

Хатта үш ел басшылары Мәскеу мен Минск арасындағы ынтымақтастық аймақ пен бүкіл Еуроатлантикалық аймақтың қауіпсіздігіне нұқсан келтіретінін айтады. Президенттер Ресейдің Украинаға қарсы агрессивті соғысы үшін Беларусь аумағы мен оның ресурстарын пайдаланып жатқанын да атап өтті. Бұл екі ел арасындағы әскери интеграцияның нығайып келе жатқанын айғақтайды деп есептейді.

«Оның соңғы көрінісі Беларусь аумағында тактикалық ядролық қаруды орналастыру болды. Бұл Украинадағы соғыс контекстіндегі эскалаторлық қадам және біздің қоғамдастыққа тікелей қауіп төндіреді. Бұл НАТО-Ресей Негіздемелік актінің тағы бір өрескел бұзылуы және бұл құжаттың бұдан былай жарамсыз екендігінің жарқын дәлелі» делінген хатта.

Науседа, Дуда және Левиц сондай-ақ ресейлік «Вагнер» жалдамалылары мен олардың жетекшісі Евгений Пригожиннің Беларуське қоныс аударуы «Беларусьтегі саяси тұрақтылыққа қауіп төндіреді және соның салдарынан кәдімгі және ядролық қаруды бақылаудан айырылуы мүмкін» деп ескертеді. Президенттер сондай-ақ «вагнерліктердің» болуы Беларусьті ЕО шекарасында мигранттармен арандатушылықты қайта бастауға мәжбүр етуі мүмкін екенін атап өтті.

«Бүгін Вильнюстегі НАТО саммиті қарсаңында бізге 360 градус принципіне сәйкес барлық қауіптерге қарсы тұру үшін ынтымақтастық пен бірлік қажет. Оның ішінде Беларусьтегі соңғы оқиғалардың нәтижесінде пайда болған жағдайлар алаңдатады. Біз Ресейге оларды көріп, түсініп отырғанымызды және оларға қарсы тұру үшін барлық мүмкіндікті қолдануға дайын екенімізді көрсетуіміз керек» делінген хатта.

Бұған дейін Балтық жағалауындағы екі елдің сыртқы істер министрлері НАТО-ны «Вагнер» жеке әскери компаниясы содырларын Белоруссияға орналасуына жауап ретінде шығыс шекараларын нығайтуға шақырған. Ал Польша президенті Анджей Дуда Вагнер тобының Беларуське көшуі оның елі үшін өте жағымсыз дабыл екенін айтты.