Полиция журналистерге жасалған шабуылдар бастамашысын қолға түсірді

Ішкі істер министрлігі мен ҰҚК-нің ведомствоаралық жедел-тергеу тобы редакциялар мен БАҚ өкілдеріне шабуыл жасау фактісі бойынша қылмыстық істі тергеуді жалғастыруда.

Полиция журналистерге жасалған шабуылды ұйымдастырған бастамашыны анықтады. Бұл Қазақстан азаматы Клебанов (Маневич) Аркадий Сергеевич болып шықты. Ол сот қаулысымен  қамауға алынды.

«Ол Қылмыстық кодекстің 115 «Қорқыту», 147 «Жеке өмірге қол сұғылмаушылықты бұзу», 158 «Журналистік қызметке кедергі жасау», 202 «Бөтеннің мүлкін қасақана жою немесе бүлдіру» және 293 «Бұзақылық» баптары бойынша қылмыс жасады деп айыпталып отыр. Ұсталған азамат өз әрекетін мойындады» деп хабарлайды Polisia.kz.

Анықталғандай, жауап алу кезінде ер адам барлық шабуылдарды өз бетінше ұйымдастырғанын, себебі оның жеке уәжі және қазақстандық бірқатар белгілі БАҚ өкілдеріне көптен бергі талаптары болғанын айтқан.

Клебанов-Маневич атты азамат өзінің заңсыз жоспарларын жүзеге асыру үшін бір топ хакерлер мен осы әрекеттерді орындаушыларды жалдаған. Ол арандатушылықтың мақсаттары мен нұсқаларын өз бетінше таңдаған. Ол орындаушыларға төлемді криптовалюталық операциялардан түскен пайдадан төлеген.

Тергеу жалғасуда, полиция оның нәтижелері туралы қосымша хабарлауға уәде берді.