Полициядан қашқан: Астаналық мектеп оқушысы жүк пойызының төбесінен құлап кетті

Ақмола облысында Астанадан келген екі мектеп оқушысы жүк пойызына мініп, вагоннан вагонға секіре бастаған. Бұл «ойын» олардың өміріне қауіп төндірген, деп хабарлайды Orda.kz Nayza Kokshe-ге сілтеме жасап.

Оқиға 11 сәуір күні Целиноград ауданындағы Жайнақ станциясында, «Астана – Атбасар» учаскесінде болған. Көлік полициясы департаментінің мәліметінше, машинист вагонда бөгде адамдарды байқап, жүк пойызын шұғыл тоқтатуға мәжбүр болған.

Кейін машинист дереу Жайнақ станциясының кезекшісіне және көлік полициясына хабарлаған.

Оқиға орнына келген қызметкерлер 14 және 16 жастағы екі жасөспірімді анықтаған.

Полицейлер жасөспірімдерді пойыздан түсірмек болған. Сол сәтте қашпақ болғандардың бірі төменге құлап бұғана сүйегін сындырды. Екіншісі аяқтан жеңіл жарақат алды. Зардап шеккен жасөспірім ауруханаға жеткізілді. 

Қазір оқиғаның барлық мән-жайы анықталуда. Жасөспірімдердің пойыз төбесіне қалай шыққаны тексерілуде.

Оқи отырыңыз:

• ШҚО-да пойыз қағып кеткен екі әйелдің бірі көз жұмды
• Елімізде пойыз қозғалысын реттеуде Starlink спутник жүйесі қолданылады
• Пойыз билетінің бағасы қымбаттайды