Полиция құжаты жоқ жүргізушілерді қалай анықтайды?

Ішкі істер министрі Ерлан Тұрғымбаев қазақстандықтардың 13 ақпаннан бастап жүргізуші куәлігі мен көлік құралын тіркеу туралы куәлігінсіз жүруге болатындығын айтты. Бірақ міндетті түрде көлік иесінде жеке куәлігі болуы керек.

Kolesa.kz ресми сауалына Ішкі істер министрлігі:

– Әкімшілік кодекстің 612 бабының 1 бөліміне сай көлік құралын құжатсыз басқарғаны үшін ескерту жасалады (бірінші рет) немесе 5 АЕК түрінде айыппұл салынады, жүргізуші әкімшілік жауапкершілікке тартылады, деп жауап берді.

Осылайша, жүргізушілерде жүргізуші куәлігі мен тіркеу куәлігі болмаса да, олардың жанында жеке басын куәландыратын құжат болуы міндетті шарт болып табылады.