Полиция қызметкерлері өрт ошағынан 4 бүлдіршінді аман алып шықты

Полиция қызметкерлері өрттің алдын алып, Атырау облысындағы көппәтерлі үйден балаларды алып шықты, деп хабарлады брифингте ІІМ ресми өкілі Нұрділдә Ораз.

Бұл туралы Orda.kz хабарлайды.

— Атырау облысының полицейлері Құлсарыдағы көп пәтерлі үйлердің біріндегі өрттің алдын алды. Өрт туралы хабар аудандық полиция бөліміне таңғы сағат бесте келіп түсті. Оқиға орнына патрульдік полиция қызметкерлері шықты. Полицейлер келген сәтте үй қалың түтінге оранған, сондықтан қызметкерлер өрт сөндірушілердің келуін күтпей, тұрғындарды эвакуациялай бастады, - деп хабарлады Ораз.

Оның айтуынша, пәтерлердің бірінде төбенің астындағы тартылған сымдардың қысқа тұйықталуынан түтін шыққан. Айнала түтінге толып, тыныс алу қиындай бастаған.

— Кішкентай желдің өзі үлкен өрт тұтандыруы мүмкін еді. Төрт полицей кезек-кезек көшеге шығып таза ауамен тыныстап, қайта кіріп жүріп жұмыс істеді. Олар жаңа туған сәби мен 4, 5 және 6 жастағы үш баланы алып шықты. Сондай-ақ үйдегі қарт адамдардың сыртқа шығуына көмектесті. Артынша барлық пәтерлерді бірнеше рет тексеріп, ешкім қалмағанына көз жеткізді. Дәрігерлер эвакуацияланғандарды тексерді, олардың ешқайсысына медициналық көмек қажет болмады. Кейін өрт сөндірушілер өртті сөндірді, - деді Ораз брифингте.