Полиция трансұлттық ұйымдасқан қылмыстық топтың есірткі арнасын жойды

Ақмола облысы Ерейментау қаласының шетінде шетелдік азаматтар ұсталды.

Олар трансұлттық ұйымдасқан топ құрды, оған жетекшілік етті және оған қатысты, сондай-ақ психотроптық заттар дайындады және сақтады деген күдікке ілінді.

Бұл туралы ішкі істер министрлігі хабарлайды.

«Ішкі істер министрлігі трансұлттық ұйымдасқан қылмыстық топтың синтетикалық есірткі өндіру және тарату арнасын жойды. Полиция үш шетелдікке қатысты қылмыстық іс қозғады. Есірткілер қатаң құпиялылық жағдайында дайындалған. Қатысушылар көршілерін адастырып, өте қажет болған жағдайда ғана үйден шығуға машықтанған. Бейнебақылау камералары үй аумағы бойынша ұйымдастырушының Wi-Fi желісіне орнатылған» делінген хабарламада.

Тінту кезінде 12 келіден астам мефедрон және 17 келіден астам прекурсорлар тәркіленді.