Полиция Талғар маңындағы атысты жоққа шығарды

Полиция Талғар маңындағы Тұздыбастау ауылында атыс болғаны туралы ақпаратты жоққа шығарды, деп хабарлайды Orda.kz.

Бүгін таңертең желіде атысқа қатысты алғашында полиция қылмыстық іс қозғалғанын хабарлаған болатын, бірақ кейінірек қосымша мәліметтер шықты.

«Талғар қаласындағы кафелердің бірінің маңында атыс болды деп таратылған ақпарат шындыққа сәйкес келмейді. Кафеге келген қонақтар өзара сөзге келіп қалып, арты жанжалға ұласқаны анықталды. Оқиғаны сол аумақты патрульдеп жүрген экипаж жедел түрде шешті»,  деп түсіндірді Алматы облысы полиция департаменті.

Полицияның айтуынша, зардап шеккендер жоқ. Қазіргі уақытта оқиғаның мән-жайы анықталуда.