Полиция қызметкерлеріне шабуыл жасағандарға үкім өзгертілді

Прокурордың өтінішхаты бойынша Теміртау қаласында полиция қызметкерлеріне шабуыл жасау туралы іс бойынша үкім өзгертілді.

Бұл туралы Бас прокуратурасы хабарлады.

«2023 жылғы 8 қазанда сағат 03:00 шамасында мас күйінде, алдын ала сөз байласа отырып әрекет еткен адамдар тобы Теміртау қаласындағы «Меруерт» ресто-барының жанында тұрған қызметтік автокөлікте отырған полиция қызметкерлеріне шабуыл жасады», - деді прокурор.

Тәртіп бұзушылар көліктің есігін ашып, полиция қызметкерлеріне қатысты балағат сөздер айтып, төбелесу үшін көліктен шығуды талап еткен.

Соттың үкімімен тек 2 кінәлі тұлға бас бостандығынан айырылып,  қалған 3 адамға қатысты бас бостандығын шектеу жазасы тағайындалған.

Қарағанды облысы прокуратурасының өтінішхаты бойынша апелляциялық сатыдағы сот 3 сотталғанға қатысты үкімді қайта қарады және «қамауда ұстау» бұлтартпау шарасын таңдай отырып, бас бостандығынан айыру жазасын тағайындады.

Үкім заңды күшіне енді.