Полиция қызметкерлеріне қарсы күш қолданғандар қалай жазаланды?

Альфия Адамбек
cover Фото: ІІМ

ІІМ полицияға қарсылық көрсетіп, бағынбау әрекеттері үшін жауапкершілік қарастырылғанын еске салады, деп хабарлайды Orda.kz. 

Полиция қызметкерлеріне қарсы күш қолданғандар тиісті жазаларын алған. 

«2024 жылдың қорытындысына сәйкес осындай 271 дерек тіркелді. Оның 127-сі мас кезде, 87-сі бұрын сотталғандарға қатысты және 19-ы топ болып жасалған», - деді ІІМ өзіндік қауіпсіздік департаменті бастығының орынбасары Алтынбек Шүйіншәлиев.

Полиция қызметкерлеріне қарсы күш қолданып, заңсыз әрекет жасаған 225 азамат сотталған. Мысалы Батыс Қазақстан облысы Теректі ауданының тұрғыны бес жылға бас бостандығынан айырылды. Жұбайымен жанжалдасқан ер адам екі учаскелік полиция инспекторына пышақ ала жүгіріп, оларды жарақаттаған.

Ақтөбе облысының Қандыағаш станциясында да осындай жағдай болды. «Астана – Атырау» бағытындағы пойыз жолаушысы ішімдік ішіп, патрульдік қызмет инспекторларына физикалық қарсылық көрсеткен. Денсаулыққа зиян келтіргені үшін ер адам төрт жылға бас бостандығынан айырылды.

Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері