Полиция қызметкерін өлтіргені үшін өмір бойына бас бостандығынан айырылды

Қостанай облысы Ұзынкөл ауданының тұрғыны криминалист-полицейді өлтіргені үшін өмір бойына бас бостандығынан айырылды, деп хабарлайды Orda.kz.

Облыстық прокуратураның мәліметінше, марқұм мен айыпталушы бір ауылда тұрған. Қылмыс тәртіп сақшысы демалыста болған кезде жасалған.

Айыпталушыға тонау және кісі өлтіру айыптары тағылған, алайда сот процесі барысында ашылған мән-жайлар айыптыны одан да ауыр бапқа — кәсіби қызметін атқару кезінде полицейді ерекше қатыгездікпен өлтіруге қайта сараланды.

2021 жылы айыпталушы ұрлық және құқық қорғау органы қызметкерінің өміріне қастандық жасағаны үшін сотталған болатын. Қылмыстық іс материалдарын өзімен бірге сақтап, колонияда болған кезінде сол іс беттерінде белгі жасаған, бұл жаңа сотта оған қарсы дәлел ретінде қолданылды.

«Тергеуші мен сарапшының фамилиясының қасына «пышақтаймын» деп жазған. Құрбанның фамилиясын дөңгелектеп, «қазды пышақтаймын» деп белгіленген»,  деп хабарлады прокуратура.

Прокурордың өтініші бойынша сот айыпталушы салған белгілері бар құжаттарды зерттеп, оны қоғамға қауіпті деп танып, өмір бойына оқшаулау қажет деген қорытындыға келді.