Ағайынды Достияровтар 15 тәулікке қамалды

Жанболат Мамай ұсталған Демпартия белсенділері Абзал Достияров, Дәурен Достияров, Ырысбек Тоқтасын және Аружан Дүйсебаеваны қанша тәулікке қамалғаны туралы айтты.

Бұл туралы Orda.kz  хабарлайды.

— Қазір жаңа білдік, Абзалды (Достияров) 15 тәулікке қамапты. Оны алаңнан алып кетті. Дәуренді (Достияров) 15 тәулікке, Ырысбек Тоқтасын 15 тәулікке, басқалары әлі белгісіз. Аружан Дүйсебаеваны үйден ұстап әкетті, – деді Жанболат Мамай Orda.kz журналисіне митинг кезінде.

Мамайдың айтуынша, аты аталғандарға қоса Теміртай Нармиғутулаев және тағы бірнеше белсенді ұсталған. Нақты қанша адам екені әзірге белгісіз.

Естеріңізге сала кетейік, Демпартия жақтастары қалалық полиция департаментінің алдына жиналып, белсенділерді босатуын талап етуде. Жиналғандар белсенділер сыртқа шыққаннан кейін ғана кететінін жеткізді.