Полиция дөрекілік танытқан әжей оқиғаға қатысты пікірін айтты

75 жастағы әжей полицейлермен болған жағдайға қатысты өзінің пікірін айтты. Оқиғадан кейін пайда болған қарт кісінің видеосында артық ештеңе болмағаны, ешкімді кінәламайтыны айтылған.

Бұл туралы Orda.kz хабарлады.

Қазақстандықтардың арасында резонанс тудырған оқиғадан соң полиция қызметкерлерін әкімшілік жауапкершілікке тартты. Бүгін бейнежазба туралы іс бойынша полиция департаментінің тәртіптік комиссиясының отырысы өтті.

– Шымкент қаласы ПД тәртіптік комиссиясының шешімімен Мұлқабаевқа қызметке толық сәйкес еместігі туралы ескертілді. Басқа қызметкер Тұрмағанбетовке ескерту жарияланды, – деп хабарлады Шымкент қаласы ПД бастығының орынбасары Алмас Әмзеев брифингте.

Осы уақытта Otyrar.kz журналисіне әжей болған жағдай туралы айтып берді.

– Бір қылмыс жасағандай не керегі бар. Ештеңе болған жоқ. Бәрі жақсы. Өзімнен болды. Заңға адам бағыну керек. Базардың ішінде сауда жасау керек. Базардың сыртында отырдым. Полиция «бұл жерге отыруға болмайды» деп ескертті. Құлағым жөнді естімейді. Жаңғақ сатуға отырдым. Келесі келгенде телефонымды беріп, «балама хабарласып берші» деп айттым. Содан, адамдар үймелеп, жиналып қалды. Қайтып кеттім, – деді зейнеткер Otyrar.kz журналисіне.