Полиция бастығы зорлау фактісі бойынша 11 жылға бас бостандығынан айырылды

30 сәуірде сот Талдықорған полициясының бастығы Марат Күштібаевқа қатысты үкім шығарды, деп хабарлайды Orda.kz порталы.

Прокурор 12 жыл сұрады.

Полицей қызметтік міндетін атқару кезінде зорлау фактісімен айыпталып, 11 жылға бас бостандығынан айырылды. Айыпталушы жазасын орташа режимдегі колонияда өтейтін болды.

Процесс жабық режимде өтті. Журналистер кіргізілмеді.

Естеріңізге сала кетейік, 12 қараша күні облыстық полиция департаментіне 27 жастағы бойжеткен жеке қауіпсіздігіне қатысты хабарласқан. Ол Талдықорған ЖПБ бастығының кеңсесінде болған зорлау фактісін хабарлады. Кейін жәбірленушінің адвокаты кейбір жайттарды айтты. Оның айтуынша, айғақ Марат Күштібаевтың кабинетінен табылған.