Полиция «Алтын-Орда»  базарындағы кісі өлтірген адамды  ұстады

Ұсталған 28 жастағы Жамбыл облысының тумасы болып шықты.

«Күдікті Қарасай аудандық полиция бөлімінің уақытша ұстау изоляторында. Оған Қазақстан Республикасы Қылмыстық кодексінің 192-бабының 3-бөлігінің 1-тармағы «абайсызда жәбірленушінің өліміне әкеп соққан денсаулыққа ауыр зиян келтіріп жасалған тонау» бабы бойынша қылмыстық іс қозғалды» деп нақтылады Алматы облысы бойынша ПД баспасөз қызметі.

Оқиға базарда болған. Күдікті 24 жастағы жігіттің телефонын ұрлап алған. Ол байқап қалып, телефонды қайтаруды өтінген, бірақ бетінен екі соққы алған, бұл сәт видеоға түсіп қалған. Екі аптадан кейін жігіт қайтыс болды, оның жүкті әйелі жалғыз қалды.