Полиция 700-ден астам тойды тоқтатты

Түркістан облысының полицейлері жыл басынан бері 700-ден астам отбасылық мерекені тоқтатты.

Бұл туралы Orda.kz Polisia.kz сайтына сілтеме жасап хабарлайды.

Тәртіп сақшыларының айтуынша, шектеу шараларына қарамастан, адамдардың көпшілігі карантиндік талаптарды елемей, түрлі отбасылық мерекелер өткізіп, коронавирустық инфекцияның таралу қаупін тудырады.

Айта кетейік, жыл басынан бері Түркістан облысының полицейлері ҚР ӘҚБтК-нің 425-бабы «Халықтың санитарлық-эпидемиологиялық, гигиеналық талаптарын бұзу» бойынша 734 жағдай тіркелді.

Жақында ғана, Ордабасы және Отырар аудандарында мобильді топтар екі «беташарды» тоқтатты. Салтанат иелеріне қатысты ҚР ӘҚБтК-нің 425-бабы бойынша әкімшілік хаттамалар толтырылды.