«Полицейлердің дөрекілігі:» Ауыз сусыз қалған Долан ауылында не болып жатыр?

Бірнеше күн бұрын Алматы облысы Қарасай ауданы Долан ауылында судың жиі болмауына қарсы кезекті митинг өткен болатын. Ал бүгін әлеуметтік желілерде полицейлердің дөрекілігі бейнеленген кадрлар тарады.

Болған митингке қатысты әкімдік сорғы бұзылғандықтан ауыз су болмады, бірақ сорғыны сол күні ауыстырдық деді. Сонымен қатар, облыс әкімшілігі олардың тұрғындармен сөйлескенін, содан кейін наразылық білдірушілер тыныш тарап кеткенін мәлімдеген болатын.

Ал бүгін әлеуметтік желіде полицейлер мен тұрғындардың алысып жатқан видеосы тарады. Кадрларда полицияның физикалық күш қолданғаны көрінеді. Полицейлердің бірі адамдардың қолына кісен салуды талап еткені, әйелдердің айқайлағаны естіледі.