Полицейлер Қытай консулдығы алдына келген 70-тегі қарияны қайта алып кетті

Бүгін, 8 желтоқсан күні Алматы қаласындағы Қытай консулдығы алдына екі белсенді жақындарын іздеп қайта келген. Бұл жолы да оларды Медеу ауданының полициясы ұстап алды.

Бұл туралы ұсталған наразының бірі Нұрзат Ермекбай Orda.kz редакциясына хабарлады.

Оның айтуынша, полицейлер ағасын іздеп келген өзінен басқа 70 жастағы үш ұлына іздеу салған Қалида Ахытханқызын да алып кеткен.

Бұл 70-тегі қарияның алғашқы ұсталуы емес. Ол бұған дейін Республика сарайы алдына журналистерге сұхбат беруге келіп, полиция бөлімшесінен бірақ шыққан.

Шыңжаңдағы туыстарын босатуды талап еткен бір топ қазақстандық он айдан бері Қытай консулдығының алдында наразылық өткізіп келеді. 

Айта кетсек, халықаралық қауымдастық 2017-2018 жылдан бері Қытайдың Шыңжаң түркітілдес этностарды жаппай «қайта үйретуге» шақырта бастаған саясаты «геноцидке» ұласқанын сынап келеді. Концлагерь тәрізді нысандар туралы түрлі ірі зерттеулер жүргізілсе де Бейжің мұны мойындамайды. Бірнеше жылдан бері қазақстандықтар көрші елдегі туыстары мен отбасы мүшелері қысым көріп, жазықсыз сотталып жатқанына наразы. Қазақстан билігі Қытайдағы қандастардың мәселесі бөтен елдің ішкі саясаты деген ұстанымда.