Полицейлер Павлодар мектеп-интернатындағы төбелесті тексеруде

Білім басқармасында да қызметтік тексеру жүргізілуде, деп хабарлайды Pavlodarnews.kz.

Желіде қыздар арасындағы төбелестің видеосы пайда болды. Видео авторы Песчан балалар үйінің тәрбиеленушілері арасында да зорлық-зомбылық бар екенін айтты. Олар балаларды қорғауға көмек сұрады.

Облыстық білім басқармасында айтылғандай, расында да № 2 арнайы мектеп-интернатының тәрбиеленушілері арасында ауызша кикілжің болып, арты төбелеске ұласқан.

«Кезекші мұғалім мен басқа да оқушылар бірден қыздарды ажырата бастады. Төбелес кезінде кәмелетке толмағандар ешқандай жарақат алмаған. Сонымен қатар, білім басқармасы қызметтік тексеру жүргізетінін, нәтижесі бойынша лауазымды тұлғаларға қатысты тәртіптік шаралар қарастырылатынын хабарлаймыз», - деп хабарлады ведомстводан.

Облыстық полиция департаменті бұл дерек Тереңкөл ауданының полиция бөлімінде тіркелгенін хабарлады. Полиция тергеу жүргізіп, оқиғаның мән-жайы анықталуда. Ведомствоның мәліметінше, оқиға ағымдағы жылдың ақпан айында болған.