Полицейлер өздерімен бірге есірткі қолданған адамды соттап жіберді

Полиция қызметкерілері айыптыны бірнеше рет синтетикалық есірткіні бірге қолдануға мәжбүрлеп, әбден сеніміне кіріп алған қызметкер оған синтетика сатып алу үшін ақша берген. Артынша әріптесімен тергеу жұмыстарын жүргізді. Олар ұстаған азамат ақталды.

Бұл туралы Бас прокуратура хабарлады.

Бас прокурордың араласуымен Жоғарғы Сот төменгі инстанциялардың актілерін күшін жойып, сотталушыны ақтады. Қазіргі уақытта Сыбайлас жемқорлыққа қарсы іс-қимыл агенттігі полиция қызметкерлеріне қарсы тергеу жүргізіп жатыр.

«Сотталғанның қорғаушысы оның синтетикалық есірткі сатқанымен келіспей, арызданған. Ол өтінішхатында Жамбыл облысының полиция қызметкерлері тарапынан арандатушылық әрекет болғаны туралы уәж көрсеткен. Істі зерделей келе, полиция қызметкері бастапқыда сотталғанды синтетикалық есірткіні бірге қолдануға көндіргені, оның сеніміне кіріп, қызметкер синтетикалық заттарды сатып алуға ақша бергені анықталды, кейін ол әріптесімен бірге жедел-іздестіру және жасырын тергеу әрекеттерін (бұдан әрі –ЖТӘ) жүргізіп, сотталғанды психотропты зат сату барысында  ұстаған», — деді Бас прокуратура өз мәлімдемесінде.

Жыл басынан бері Бас прокуратураға шамамен 8 мың өтініш түсті. Олардың жартысынан көбі сот шешіміне қатысты шағымдар. Ақыры 85 адамның мүддесіне наразылық енгізілді, 27 сотталушының жағдайы жақсарды, 5 адам ақталды және 14 сот актісі күшін жойып, жаңа сот қарауына жіберілді.