Полицейлер есірткі тасымалдаған күдіктіні ұстады

Қызылордада полицейлер есірткі тасымалдаған күдіктіні ұстады, деп хабарлайды ORDA. Polisia.kz сілтеме жасап.

Жедел-профилактикалық іс-шара барысында «Самара-Шымкент» тас жолының бойында Қызылорда облысы ПД қызметкерлері «ВАЗ-2115» маркалы автокөлікті тоқтатқан.

– Полиция қызметкерлері көлікті тоқтатқан кезде жүргізуші автокөліктің алдыңғы терезесінен полиэтилен пакетке салынған затты лақтырып жіберген. Тексеру барысында пакеттің ішінде жасыл түсті, ерекше иісі бар зат бар екені анықталды. Сараптама қорытындысына сәйкес оқиға орнынан табылған зат – жалпы салмағы 464,84 гр кептірілген марихуана болып шықты. Көлік тізгінінде Қызылорда қаласының 40 жастағы тұрғыны отырған, делінген хабарламада.

Қылмыстық кодекстің 296-бабы 2-бөлігімен сотқа дейінгі тергеп-тексеру амалдары жүргізіліп жатыр.