Полицейлер алматылық көлік жүргізушілерге ескерту жасады

Алматы полициясы ауа райының нашарлауына байланысты көлік жүргізушілеріне үндеу тастады.

Ауа райының нашарлауына байланысты алматылық тәртіп сақшылары жол қозғалысына қатысушыларды қауіпсіздік шараларын күшейтуге шақыруда.

«Құрметті Алматы қаласының тұрғындары мен қонақтары!  Сіздерді қауіпсіздік шараларын күшейтуге шақырамын. Ауа-райының нашарлауы, ең алдымен, жалпы жол жағдайына әсер етеді. Осыған байланысты жүргізушілерге өтініш білдіремін, қыс мезгіліне алдын ала дайындалып, көлік дөңгелектерін ауыстырып, ең бастысы жол қозғалысы ережелерін қатаң сақтауды, шақырамын. Бұл қала жолдарындағы қайғылы оқиғаларды болдырмауға көмектеседі. Өзара сыйластық пен тәртіп – жол қауіпсіздігінің кепілі және еліміздің ең ірі мегаполисіндегі жол-көлік оқиғаларын азайтудың шешуші факторларының бірі», - деп ескертті Алматы қалалық жергілікті полиция қызметі бастығының орынбасары Серік Шумаев