Полицей күдіктіні Астанада пара үшін іздеуге бермеуге уәде берді

Астананың ауданаралық соты бұрынғы полиция қызметкеріне алаяқтық әрекеті үшін айыппұл салды.

Ер адам полиция бөлімшесінің қызметкері бола тұра, күдіктіні іздеуге бермеуге уәде беріп, адастырған. Ол үшін 300 мың теңге талап еткен.

Сыбайлас жемқорлыққа қарсы қызметке хабарласқаннан кейін полицейге жасырын тергеу амалдары жүргізіліп, ақшаны беру кезінде ұсталды.

Қылмыстық кодекстің 190-бабының 3-бөлігі 2-тармағында айыппұл немесе 3 жылдан 7 жылға дейінгі мерзімге бас бостандығынан айыру түріндегі жаза қарастырылған. Алайда зардап шеккен тарап айыппұл төлеуді сұрады.

Жеңілдететін мән-жайларды ескере отырып: жасаған қылмысына шын  өкінуін және 3 жас баласының болуын ескере отырып, сот мемлекеттік қызметте лауазымдарды атқару құқығынан өмір бойына айыра отырып, 2 млн 250 мың теңге мөлшерінде айыппұл салды.