«Пойызды тоқтатпақ болды». Досын әскерден күткен (видео)

Атырау облысы Қызылқоға ауданында екі жігіт жүріп келе жатқан пойызды тоқтатпақ болған. Оқиғаға қатысты жергілікті полиция департаменті түсініктеме берді.

Бұл туралы Orda.kz АқЖайық порталына сілтеме жасап хабарлады.

Бейнежазба әлеуметтік желіде қызу талқыға түскен.

Анықталғандай, оқиға 4 шілде Сағыз станциясында орын алған. 18 және 19 жастағы екі жігіт досын әскерден күтіп алуға барған. Олар пойыздың тоқтағанын күтпей, оны өз күштерімен тоқтатпақшы болған.

Сағыз ауылдық округі желілік полиция бөлімінің басшысы Болатбек Іңірбайдың айтуынша, бұл аймақтағы алғашқы жағдай.

– Олар аудан орталығы мен ауылдардың тұрғындары. Пойыз станцияда тоқтамақ болған. Алайда жігіттер оның тоқтағанын күте алма, - деді Болатбек Іңірбай.

Қазір екі жігіт әкімшілік жауапкершілікке тартылған. Олар 5 АЕК көлемінде (14 585 теңге) айыппұл төлейді.