Пойызда зорлаған: жәбірленушінің адвокаты үкім шыққаннан кейін 10 күннен соң қайтыс болды

Не молчи қоғамдық қоры араға екі жыл салып, жантүршігерлік оқиғамен бөлісті. Пойызда зорланған қыздың адвокаты Айгүл Ундасынова сот үкімі шыққаннан кейін көз жұмғанын айтты. Олардың айтуынша, қысым көрсетілгендіктен, ақпарат жасырын қалған.

«Біз екі жыл бойы ештеңе айтпадық. Себебі, ол кезде зардап шегуші қудалауға ұшыраған. Оған адвокатының сот үкімінен соң 10 күннен кейін қайтыс болғаны айтылмаған. Сондай-ақ, біз зорлаушыларды жақтаған сатқындар науқас әйелдің атына кір келтіре ме деп қорықтық. Ол 4-дәрежелі онкологиямен ауырғанына қарамастан Ақтөбеден Қостанайға сот отырысына барып, зардап шегушіні соңына дейін қолдаған» деп жазды қоғам белсенділері.

Қордың айтуынша, адвокат ешқашан денсаулығына шағымданбаған.

«Оның ауыр жағдайы туралы ешқайсымыз білмедік. Өкінішке орай, біз оның қайтыс болғанын да бірден білмедік» деп қосты Не молчи қорының қызметкерлері.

Қоғамдық белсенділер Айгүл Ундасыноваға азаматтық ерлігі, кәсібі мен клиентіне адалдығы үшін қайтыс болғаннан кейін алғыс айтты.

Сондай-ақ қор «Тальго» ісі бойынша жәбірленуші зорлаушылармен келісімге келуді сұраған бірінші адвокаттың сатқындығына тап болған кезде, оның қызметінен бірден бас тартқанын айтты. Осы кезде ол облыстық адвокаттар алқасына барып, марқұммен сол жерде кездескен.

Сот күдіктілердің әр қайсысына 2,5 жыл үкім шығарғаннан кейін Айгүл қайтыс болған.

Пойызда зорлаған

Еске салсақ, 2018 жылдың қарашасында келіншек «Тальго» пойызының жолсеріктері оны зорлағанын айтқан. Артынша жолсеріктер жұмыстан шеттетіліп, ұзақ тергеу басталды.

26 шілдеде бірінші инстанциядағы сот оларды 35 жастағы жолаушыны зорлады деп танып, 2,5 жылға бас бостандығынан айырды және әрқайсысына 15 АЕК көлемінде айыппұл салды. Сот жолсеріктердің жәбірленушінің бөлмесіне кезек-кезек кіргенін негізге ала отырып, топтық зорлау фактісін жоққа шығарды. Сондай-ақ сотталушылардың оң қасиеттерін және олардың бірінде жас балалардың болуын ескерді.

Мұндай жеңіл жаза жұртшылық арасында көп талқыланды. Ел ішіндегі резонанстан кейін көлік прокуратурасы сот үкімінің заңдылығын тексеруді ұйғарып, оны анықтаған соң күдіктілерді қатаңырақ жазалауды сұрады.

21 тамызда белгілі заңгер Айман Умарова ҚР президентіне жазаны күшейту арқылы жыныстық зорлық-зомбылықты жеңуге болмайтыны туралы үндеу жариялады.

Кейін Қостанай облыстық соты бірқатар заң бұзушылықтарға байланысты бірінші инстанция үкімін бұзып, істі прокуратураға қайтарғаны хабарланды.

Дина Смаилова атап өткендей, сот және тергеу әрекеттері кезінде жәбірленуші тағы да күйзеліске ұшырап, оған қысым көрсетілген. Айыпталушылар жыныстық қатынастың келісіммен болғанын айтып, кінәсін мойындамаған.

Бірақ судья топтық зорлау фактісін алдын ала сөз байласу арқылы мойындады.

2019 жылдың 25 желтоқсанында тағы бір сот отырысы өтіп, онда сотталған жетекшілерге үкім өзгертілді. Екеуі де бес жылға бас бостандығынан айыру жазасын орташа режимдегі колонияда өтейтін болды.