Пойыз апатынан 140-қа жуық адам жарақат алды

Ресейдегі 29 шілде күні болған пойыз апатының себептері белгілі болды. Жүк көлігімен соқтығысқан апатта 803 жолаушының 140-қа жуығы жарақат алды. 16 адам ауруханаға жатқызылды. Олардың 1-уі бала,13-і ересек жолаушы және 2-уі жолсерік.

Бұл туралы «Ресей темір жолы»  хабарлады.

Бұл оқиғаға «Ресей темір жолы» КамАЗ жүргізушісі кінәлі деп отыр. Олардың айтуынша жүк көлігінің жүргізушісі пойыздың жақындап келе жатқанына және дабыл жүйесінің жұмыс істеп тұрғанына қарамастан, өткелге қарай жүріп кеткен.

«Локомотив бригадасы нұсқаулыққа сәйкес бұл жағдайда барлық қажетті шараларды жасады. Жүргізуші шұғыл тежегішті басқанымен, қашықтық тым жақын болғандықтан соқтығыспау мүмкін болмады. Пойыз жылдамдығы сағатына 65 шақырым болды», – деп хабарлады Ресейдің Төтенше жағдайлар министрлігі.  

Қаза тапқандар арасында Қазақстан азаматтарының бар-жоғы әзірге белгісіз.

Естеріңізге сала кетейік, Қазан-Адлер бағытындағы пойыз апаты 29 шілде түсте Ресей Федерациясының Волгоград облысында болған.