Пластик қалдықтарынан коронавирустан қорғайтын киім тігіледі

Тайландта кәсіпкерлер жұрттан қалған пластик құтыларды кәдеге жаратудың жаңа тәсілін ойлап тапты.

Пластик құтылардан коронавирустан қорғайтын киім тігілетін болады. Арнайы киім тігуді Тайландтың Районг провинциясындағы тоқыма фабрикасы қолға алып, іске кірісіп кеткен.

Бұл туралы  Orda.kz   Хабар 24-ке сілтеп хабарлады.

Алдымен қажетсіз болып қалған пластик құтылар өңделіп, одан жіп есіледі. Сол жіптен суға төзімді қорғаныш киімі тігіледі. Фабрика өкілдері бұл өнім коронавирустан қайтыс болғандарды жерлеу рәсімін жүргізетіндерге арналғанын айтады.

– Қорғаныш киімі болмай көп қиындықтарды бастан кешкен болатынбыз. Себебі ақша болғанмен вирустан қорғайтын мұндай киімдер тапшы. Бірақ қазір бұл ауыр кезеңдер артта қалды, - дейді ғибадатхана қызметкері Пхра Маха Праном Дхаммалангкаро.

18 пластик құтыдан бір қорғаныш киімі тігіледі екен. Өндіріс орыны бір жыл ішінде 18 миллион құтыны кәдеге жаратып, киім тігіп үлгерген.