Пірматов Ұлттық банк басшысы болып тағайындалды

Сенаторлар Ұлттық банк басшысы лауазымына (Досаевтың орнына) Ғалымжан Пірматовтың кандидатурасын мақұлдады. Президент Пірматовты Қазақстан Республикасы Ұлттық Банкінің Төрағасы лауазымына бекітті.

– Ғ.О. Пірматовты тағайындау туралы 2022 жылғы 03 ақпан. Ғалымжан Олжаұлы Пірматов Қазақстан Республикасы Ұлттық Банкінің Төрағасы лауазымына тағайындалсын. Қазақстан Республикасының Президенті Қ.Тоқаев, - делінген хабарламада.

Пірматовтың өзі кездесуде болмаған. Ол коронавируспен ауырып жатыр. Пірматовты президент әкімшілігі басшысының бірінші орынбасары Тимур Сүлейменов таныстырды.

Еске салайық, Пірматов өткен жазда «Қазатомөнеркәсіптен» кеткен болатын.