Pfizer вакцинасынының «Ерекше жағдайына» тағы кімдер ілігеді?

Елордалық денсаулық сақтау басқармасы ерекше жағдайларда тағы кімге Pfizer вакцинасымен егуге  рұқсат етілгенін айтты.

 «Ерекше жағдайларда, ел атынан шығу қажет болған кезде: Олимпиадаға, емделуге (шетелге шығу), немесе студент бала «Болашақ» бағдарламасы бойынша шетелдік ЖОО-ға түскен болса, бұл адамдарды Pfizer вакцинасымен егуге болады», - деді  елордалық Қоғамдық денсаулық сақтау департаментінің басшысы Тимур Мұратов.

Бұған дейін  ережеге сәйкес, Pfizer вакцинасы жүкті әйелдерге, бала емізетін аналарға, 18 жасқа дейінгі балаларға және егде жастағы адамдарға ревакцинация кезінде қолжетімді болатын.