«Петропавловск па, Қызылжар ма?»: СҚО әкімі Петропавл атауын өзгерту туралы сөз қозғады

Солтүстік Қазақстан облысының әкімі Ғауез Нұрмұхамбетов Петропавл қаласының атын өзгерту мүмкіндігіне қатысты пікір білдірді.

Ол бұл мәселе тұрғындардың көпшілігі қолдаған кезде ғана қаралатынын айтты.

«Пікір екіге бөлінеді: біреулер атауды өзгертуді жақтаса, енді біреулер қазір уақыт емес деп ойлайды. Бұл пікірлер шамамен бірдей, біз оларды ескереміз. Бұл саяси мәселе емес. Біздің алдымызда басқа да көптеген маңызды міндеттер тұр. Мысалы, абаттандыру, жылумен қамтамасыз ету, әлеуметтік-экономикалық даму», – деді Нұрмұхамбетов.

Бұған дейін Петропавл қаласының әкімі Болат Жұмабеков әлеуметтік желідегі парақшасында 2022 жылы пайда болған қала атауын Қызылжар деп өзгерту туралы петицияны жеке тұлға жасаған және мемлекеттік органдармен байланысы жоқ болғандықтан, қарастырылмағанын жазды. Бұл бастама қоғамда дау тудырды.