Петропавлда үй өртеніп, 3 адам қаза тапты

Петропавлда қайғылы өрт салдарынан 3 адам қаза тапты, олардың арасында үш жасар бала бар, деп хабарлайды Orda.kz.

Оқиға Жұмысшы кентінде, қазанның 5-нен 6-на қараған түні, сағат 03:16 шамасында болған. Өрт ескі жазғы үйден басталып, кейін жақын орналасқан үй мен көрші үйдің қорасына тарады. Облыстық ТЖД мәліметінше, қызыл жалын 84 шаршы метр аумақты шарпыды.

«Тілсіз жаумен 20 адам күрескен. Тағы алты техника жұмылдырылды. Өрт 04:12-де оқшауланып, 05:29-да толығымен сөндірілді. Отты сөндіру барысында 2021 жылы туған қыз баланың, 1979 жылы туған ер адамның және 1985 жылы туған әйел адамның мәйіттері табылды»,  деп хабарлады Төтенше жағдайлар департаменті.

Қазіргі уақытта өрттің шығу себебі мен келтірілген шығын көлемі анықталуда.