Петропавлдағы су тасқынының алдын алу үшін зейнеткерлер КАМАЗ астына түсті

Петропавлда Кожевенный кентінде тұратын зейнеткерлер қаланың барлық жерінен қарды алып келген жүк көліктерінің жолын жабуда.

Бұл туралы Orda.kz «Астана» телеарнасына сілтеме жасап хабарлайды.

Тұрғындар күн жылығанда әкеліп үйіп жатқан қар еріп, қайтадан су басады деп қорқады.

– Біздің Хромзавод жыл сайын қардың астында қалады. Су басып қалған кезде, хром зауытының барлық тұрғындары зардап шегеді. Камаздар қар үйінділерін үсті-үстіне әкеліп жатыр. Мұндай бұйрықты кім берді? Сұрасақ, бәрі бір-біріне сілтейді. Мұны тоқтатуды сұраймыз! - дейді жергілікті тұрғын Нина Колесникова.

Кожевенный кентінің тұрғындары 2017 жылғы су тасқынын жақсы біледі және оның қайталануынан қорқады. Олар, егер бұл жұмыс тоқтамаса, тіпті салынған бөгет те оларды құтқара алмайтынына сенімді.

– Аталған учаскені ТКШ бөлімі бақылауға алды. Сонымен қатар, су тасқынына қарсы барлық іс-шараларды өткізіп жатырмыз, дейді Петропавл қаласының ТКШ бөлімі басшысының орынбасары Бақыт Ілиясов.

Оның айтуынша, қарды сыртқа шығару ыңғайлы. Екі сағаттың орнына 15 минут кетеді. Қыстың басынан бері облыс орталығынан 700 мың текше метрден астам қар шығарылды.