Петропавлдағы көпбалалы отбасында он жетінші бала дүниеге келді

Петропавлдағы көпбалалы жанұяда  он жетінші бала дүниеге келді.

Бұл туралы Orda.kz sputnik.kz сайтына сілтеме жасап хабарлайды.

– Шілде айында біздің отбасымызда он жетінші бала дүниеге келді. Есімі – Дэвид, - деді әкесі Павел Култышев.

Бұл көп балалы отбасының оныншы ұлы. Бақытты жанұяда тағы бір жаңалық - үлкен қызы Инна тұрмысқа шықты.

Павел мен Татьяна 2000 жылы үйленген. Айтуларынша, олар шіркеуде кездеседі, Павел ол кезде 22 жаста, ал Татьяна - 19 жаста болған. Татьяна тұңғышын 20 жасында босанады, кейін жыл сайын дерлік қуанышты жаңалық үзілмеген.

Үйдің үлкені Инна 20 жаста. Лена – 18 жаста. Култышевтардың бірінші ұлы - Владимир – 17 жаста, Евгений – 16 жаста. Олар қазірдің өзінде әкесінің бизнесіне көмектеседі.

Павел жеке кәсіпкер болып жұмыс істейді. Дәнекерлеумен айналысатын көпбалалы отбасының отағасы кез келген қақпаны жөнде алады. Жаз айында жер жыртып, шөп шабады.

2016 жылы Култышевтар отбасында 12-ші бала дүниеге келгенде, бүкіл республикаға танымал болды. Олар туралы түрлі мақалалар жазылды. Павелдің өзі көп балалы отбасынан шыққан.

Бірақ Татьяна қарапайым жанұяда дүниеге келген және үш ағайынды. Сонымен қатар, олар балаларды өмірдегі ең үлкен бақыт деп санайды. Култышевтар отбасы өте тату, бір-біріне көмектеседі, үлкендер кішілеріне қарайды, ас әзірлейді, жинайды, кір жуады, үтіктейді. Отбасында әр адамның өз хоббиі бар. Кішкентайлар бір-бірімен ойнайды, үлкендер кішілерге күтім жасауға көмектеседі, оқу мен санауды үйретеді. Осылайша, балалар бірінші сыныпқа дайындықпен барады.