Петропавлда өрттен бес адам қаза тапты

Өртті сөндіру кезінде бірнеше мәйіт табылды. Куәгерлердің айтуынша, марқұм бір күн бұрын ішімдік ішкен.

Қайғылы оқиға кеше түнде Петропавлдағы аудандардың бірінде болды. Оқиға орнына өрт сөндірушілер жеткенде өрт шатырды шарпыған және қою түтін болған.

 «Солтүстік Қазақстан облысы Төтенше жағдайлар департаментінің «Өрт сөндіру және авариялық-құтқару жұмыстары қызметі» ММ-нің 101 пультіне сағат 01:07-де төрт пәтерлі кірпіш тұрғын үйдегі өрт туралы хабарлама келіп түсті. Пәтердегі өртті жою барысында 1975 жылғы,  1979 жылы туған екі ер адамның және 1960, 1967 жылы туған әйел адамдардың  жансыз денелері табылды. Сонымен қатар  шыға берісте  1960 жылы туған басқа ер адамның денесі жатқан. Мәйіттер сот-медициналық сараптамаға жіберілді»  деп хабарлады облыстық Төтенше жағдайлар департаменті.

Өрт аумағы 60 шаршы метрді құрады.

Ведомство қайғылы оқиғаның алдын ала себептерін - ішімдік ішу және төсекте темекі шегу деп атады.