Петропавлда полиция маскүнем отбасының екі баласын алып кетті

Петропавлда полицейлер рейд барысында бір отбасының екі баласын ұстады. Ата-анасының екеуі де маскүнем болған, деп хабарлайды Orda.kz.

«Қақпа да, кіре беріс есік те құлыпталмаған, ата-аналар мен олардың қонағының да мас екені байқалған. Ересектер медициналық тексеруге жіберілді. Балалары — 14 жастағы ұл мен тоғыз жасар қыз. Қызын кәмелетке толмағандарды бейімдеу орталығына уақытша орналастыруға тура келді»,  деп хабарлады полиция.

Петропавл қаласы ПА бастығының бірінші орынбасары Әлібек Ғабдуллиннің айтуынша, бұл отбасы бұған дейін де ескерту алған. Енді іс материалдары қайтадан кәмелетке толмағандар ісі жөніндегі комиссияға жіберіледі.

«Тергеу жұмыстары жүргізіліп жатқан тағы бір отбасында антисанитарлық жағдай анықталды, қожайындары залалсыздандыру жұмыстары жүргізілді дегеніне қарамастан, отбасына тәртіп орнатуға бір апта уақыт берілді»,  деп мәлімдеді Облыстық полиция басқармасы.

Сондай-ақ рейд барысында кәмелетке толмағандардың түнгі уақытта заңды өкілдерінсіз үйден тыс жерде болуының төрт фактісі және ата-аналық міндеттерін орындамаудың екі фактісі анықталды.