Петропавлда отбасын өлтірді деген ер адамға шыққан ақтау үкімі жойылды

Петропавлда әйелі мен балаларын өлтіріп, өртеп жіберді деген ер адамға қатысты алқабилер шығарған үкімнің күші жойылып, іс қайтадан сотқа жіберілді, деп хабарлайды Orda.kz.

Qazaqstan Media хабарлауынша, істі қайта қарау туралы шешімді апелляциялық шағымды қараған облыстық соттың қылмыстық істер жөніндегі сот алқасы шығарды.

Айта кетейік, өткен қыркүйекте Петропавлдағы Береке ықшам ауданында өрт шығып, екі бала мен әйел қаза тапты. Бұл жағдайға байланысты Александр Канищев туған інісі, азаматтық некедегі әйелі мен оның бір жасар қызын өлтіріп, қылмысты жасыру үшін үйді өртеді деген айып тағылды. Дегенмен, алқабилер соты оны ақтап, прокурордың өмір бойы бас бостандығынан айыру сұрауын қабылдамады. Апелляциялық шағымнан кейін бұл шешім қайта қаралатын болды.

Сараптама қорытындысы балалардың тыныс алу жолдарында улы газ бен ыстың жоқ екенін көрсеткен. Яғни, балалар өртке дейін қайтыс болған. Сотта Канищев өз кінәсін мойындамай, өзі де сол түні өліп қала жаздағанын айтты. Шешіммен қайтыс болған Алина Котяштың анасы және мемлекеттік айыптаушы келіспей, апелляциялық шағым түсірді. Облыстық соттың қылмыстық істер жөніндегі сот алқасы алқабилер шығарған үкімнің күшін жойды. Анықталғандай, алқабилер арасында кейбірінің туыстары бұрын сотталған болып шықты.