Петропавлда мал белгісіз індеттен қырылып жатыр

Елдің солтүстігінде мал жаппай қырылып жатыр. Ауру Мортук ауылында тіркелді.

Бұл туралы Orda.kz Хабар24-ке сілтеме жасап хабарлады.

Ветеринарлар малдың нақты қай аурудан қырылып жатқанын анықтай алмай отыр. «Ауру белгілері бірнеше ауруға ұқсайды» дейді.

Сараптама қорытындысы жақында жарияланады.

Жергілікті тұрғындардың айтуынша, 3 айда 20-ға жуық ірі қара мал арам өлген.

- Біз дереу ветеринарларға хабарладық, бірақ олар уақытында келмеді. Тек 10 күннен кейін келді. Осы уақыт ішінде бұзаулар да жатып қалды. Ауру белгілері – «Эмкарға» ұқсайды. Мамандар осы ауру болуы мүмкін деп отыр. Дәл осы аурудың кесірінен малымнан айрылдым. Менің ойымша, бұл жағдай вакцинаның берілмеуіне байланысты. Жануарлардың мәйітін шығаруға көмек көрсетілмеді, біз оларды өртедік, - дейді Мортук ауылының тұрғыны Әбдікерім Бұйдахман.

Ауыл тұрғындары үлкен шығынға батуда. Оларға өтемақы тағайындала ма, жоқ па белгісіз.