Петропавлда арнайы жасақ сержанты әріптесінің оғынан қаза тапты

Петропавлда «Бүркіт» арнайы жасағының сержанты әріптесінің оғынан қаза тапты.

38 жастағы арнайы жасақтың сарбазы Виталий Чужиковтың өлімі туралы ақпаратты әскери тергеу басқармасы тілшіге растады.

Алайда ведомство іс қай бап бойынша тергеліп жатқанын атаудан және оқиғаға қатысты түсініктеме беруден бас тартты.

«Бұл іс әлі аяқталған жоқ, әскери тергеу бөлімі жұмыс істеп жатыр. Әзірге түсініктеме жоқ» делінген хабарламада.

Кейіннен Қазақстан Республикасы Қылмыстық кодексінің 462-бабының 2-бөлігі «Абайсызда адам өліміне әкеп соққан қарумен жұмыс істеу ережелерін  бұзу» бойынша сотқа дейінгі тергеу басталғаны белгілі болды. Тергеу Петропавл гарнизоны әскери прокуратурасының бақылауында.

Чужиков «Бүркіт» арнайы жасағының жүргізушісі болған, үйленген, қызы болған. Ол Солтүстік Қазақстан облысы бойынша ҰҚК қызметкерлерімен жаттығу кезінде асқазанынан оқ жарақатын алған. Кездейсоқ болған оқты оның әріптесі, «Бүркіт» жауынгері атқан.

Чужиков Петропавлдың көпсалалы жұқпалы аурулар ауруханасына жеткізілді, бірақ дәрігерлер оны аман алып қала алмады.