Петропавлда Ақмола облысының тумасы 19 жастағы қызды 250 мың теңгеге сатып жіберді

Петропавлда Ақмола облысының тумасы 19 жастағы қызды 250 мың теңгеге сатып жіберген, деп хабарлады Ішкі істер министрлігі.

«Петропавлда адам саудасы мен қанаумен айналысқан Ақмола облысының тумасы ұсталды. Осы схема бойынша күдікті Қостанай қаласының 19 жастағы тұрғынын жұмысқа тартып, оны одан әрі қаладағы сауналар мен қонақүйлерде жыныстық қанау мақсатында он мың теңгеге сатқан» деп хабарлады ІІМ.

Тергеушілердің мәліметінше, әйел әлеуметтік желілер арқылы қыздарды, соның ішінде тұрмысы нашар және толық емес отбасылардан шыққан, материалдық жағдайы қиын қыздарды іздеген. Кейін олармен танысып, алдау және сенімге қиянат жасау арқылы жұмысқа орналасуға көмектесемін деген желеумен Петропавл қаласына шақырған.

«Олар келгеннен кейін оларға психологиялық қысым көрсетіп, қарсылығын басу, қорқыту және физикалық күш қолдану арқылы жыныстық қанаушылық пен адам саудасына салған» деп толықтырды министрлік.

Аталған факті ҚР Қылмыстық кодексінің 128-бабының 1-бөлігі (адам саудасы) бойынша ҚР ҚК-не тіркелді. Зардап шегуші қажетті көмек көрсету үшін баспанаға орналастырылды.