Петропавлда 11 жасөспірім мас күйінде ұсталды

Петропавлда демалыс күндері полицейлер түнгі уақытта заңды өкілдерінің қарауынсыз, үйлерінен тыс жүрген 73 баланы ұстады. Олардың 11-і алкогольді ішімдік ішіп, мас болған, хабарлайды Orda.kz өңірдегі Петропавловск news  сайтына сілтеме жасап.

Балаларын тәрбиелеу жөніндегі міндеттерін орындамағаны үшін 29 ата-ана әкімшілік жауапкершілікке тартылды. 

«Ювеналдық полиция қызметкерлерінің негізгі мақсаты – өскелең ұрпақты қылмыс пен құқықбұзушылықтардан қорғау және олардың заңға қайшы әрекеттерінің алдын алу», – деп түсіндірді СҚО ПД ЖПҚБ басқармасы бастығының орынбасары, полиция подполковнигі Александр Розбах.