Петропавл ЖЭО  құбырын қалпына келтіруге 17,5 млрд теңге кетеді

Петропавлдағы жылу электр орталығындағы құбырды қалпына келтіруге 17,5 млрд теңге жұмсалады.

20 наурызда құбыры опырылған Петропавлдағы ЖЭО-2-дегі  жұмысты қалыпқа келтіру үшін 17,5 миллиард теңге қажет.

Энергетика министрлігі Петропавлдағы ЖЭО-ның жағдайын тексерген тәуелсіз сараптама комиссиясына сілтеме жасай отырып, осындай қорытындыға келді.

 «Комиссия мүшелері Петропавл 2-ЖЭО-ның жұмысын қалыпқа келтіру бойынша жол картасын әзірледі. Жол картасы ЖЭО-ны алдағы жылу беру маусымына уақтылы және сапалы дайындауды қамтамасыз ететін іс-шараларды жүзеге асыру үшін қаржыландырудың жалпы сомасы 17,5 млрд теңгені құрайтын бес блокқа бөлінген»  деп хабарлады Энергетика министрлігі.

Еске салайық, 20 наурызда ЖЭО-2-де құбыр опырылып түскен болатын. Алдын ала болжам бойынша, апат қатты жел салдарынан орын алған.

Екі күннен кейін үйінді астынан құтқарушылар 38 жастағы ЖЭО жұмысшысының қаза тапқан денесін тапты. ЖЭО-2-де төтенше жағдай Төтенше жағдай тұрғын үйлер мен кеңселерде жылу берудің тоқтауына әкелді.