Петропавл ЖЭО-да жұмысшы қаза тапты

Петропавлдағы Жылу электр орталығында 21 жастағы жұмысшының басына темір арқалық құлап, оқиға орнында мерт болды, деп хабарлайды Orda.kz

Аталған мәліметті құзырлы органдар растады.

«5 қарашада 21 жастағы ер адам Петропавл 2-ЖЭО аумағында жұмыс орнында өндірістік жарақат алды. Ер адам медициналық мекемеге жатқызылды, алған жарақат салдарынан 7 қарашада қайтыс болды» делінген полиция хабарламасында.

Қазіргі уақытта істің мән-жайларын зерттеуге бағытталған тергеу әрекеттері жүргізілуде, олардың нәтижелері бойынша түпкілікті процестік шешім қабылданатын болады.

Қылмыстық іс ҚР ҚК 156-бабының 3-бөлігі бойынша «Абайсызда адам өліміне әкеп соққан еңбекті қорғау ережелерін бұзу» бойынша жүргізілді.

Сондай-ақ жұмыстарды орындау кезінде өндірістік қауіпсіздік талаптарын сақтау бойынша жауапты тұлғалардың кінәсі айқындалатын болады.