Петропавл мен Оралдағы мектеп оқушылары қашықтықтан оқытуға көшті

Петропавлда 28 448 оқушы онлайн оқитын болады. Оған себеп – қалада судың  тұрақты берілмеуі.

Бұл туралы Petropavlovsk.news хабарлайды.

Баламалы сумен жабдықтаудың екі көзі іске қосылды, бірақ облыс орталығындағы барлық пәтерлерде су жоқ.

Орал мектептеріндегі оқу процесі онлайн форматта ұйымдастырылады. Мұндай шешім балалардың қауіпсіздігі үшін өңірде төтенше жағдай орын алғанына байланысты қабылданды.

Батыс Қазақстан облысындағы Ақжайық, Теректі, Бөрлі аудандары мен Бәйтерек ауданындағы қалалық колледждер мен мектептердің студенттері қашықтықтан оқыту форматына жіберілді.