Петропавл-Алматы бағытындағы пойызда өрт шықты

Петропавл-Алматы бағытындағы Тальго пойызы вагондарының бірінде өрт шықты, деп жазды ҚТЖ сайты.

2023 жылғы 3 ақпанда сағат 21.57-де Қарағанды ​​облысының Аршалы-Анар учаскесінде Петропавл-Алматы бағытындағы №105/106 пойызының соңында орналасқан техникалық вагонда өрт шығуына байланысты пойыз қозғалысы тоқтатылды.

Пойызда 235 жолаушы болғаны, жараланғандар мен зардап шеккендердің жоқ екені атап өтілді. Өрт сөндірілді.

«Жолаушыларды тасымалдау және Алматы вокзалына жөнелту үшін Астанадан жеті купе және бір резервтік вагоннан тұратын бір реттік пойыз жөнелтілді. Қазірдің өзінде «ҚТЖ ҰК» АҚ-ның арнайы құрылған комиссиясы оқиға себептерін анықтауға кірісті» делінген хабарламада.

Компанияның баспасөз қызметі стандартты вагондардан пойызбен сапарға шыққан жолаушыларға теміржол көлігімен жолаушыларды, багажды, жүк багаждарын және поштаны тасымалдау ережелеріне сәйкес, белгіленген тәртіпте жол ақысының айырмасы төленетінін атап өтті.