Петропавл қаласының әкімі отставкаға кетті

Петропавл қаласының әкімі Болат Жұмабеков қызметінен кетті. Қала әкімі отставкаға кеткені туралы Facebook-тегі парақшасында жазды.

– Бүгін мен отставкаға кету туралы шешім қабылдадым. Үш жыл ішінде біз бірлесіп көптеген сынақтардан өттік: карантин, қаңтар оқиғасы және құрылыс бойынша көптеген мәселелер. Осы кезеңдерде қалалық әкімдіктің командасы өздерін кәсіби жағынан көрсетті, – деп жазды Болат Жұмабеков.

Болат Жұмабеков 2019 жылғы 12 сәуірде Петропавл қаласының әкімі болып тағайындалды. Ол еңбек демалысынан кейін отставкаға кетті.

Болат Жұмабеков Петропавл қаласының әкімі болғанға дейін Қызылжар ауданын, сондай-ақ Солтүстік Қазақстан облысының Ғабит Мүсірепов атындағы ауданын басқарды.