Перзентханада жатқан жас аналар суық палаталарға шағымданды

Семейдегі жүкті әйелдер перзентханадағы жылуға шағымданды, деп хабарлайды Orda.kz порталы.

Әйелдердің бірі бейнероликте перзентханада жылы әрі бос бөлмелер бар екенін, алайда оларды кіргізбегенін айтады.

«Бізді осындай жылы палатадан суығына ауыстырды. Өте суық, терезелер буланып жатыр. Тыныс алатын ауа мүлдем жоқ. Жаңа туған балалармен жатамыз. Мен аға акушерге кеудемнің ауырып тұрғанын, мұнда суық екенін түсіндірдім. Ол: «Мен не істеймін» деді, бірақ бөлмелер бос  тұр. Ол тіпті тұрмады да, қараған да жоқ», - дейді әйелдердің бірі.