Перуде құс тұмауына байланысты төтенше жағдай режимі ұзартылды

Перу билігі құс тұмауына байланысты төтенше жағдай режимін ұзартты. Өткен жылдан бері 63 мыңнан астам жабайы және үй құстары қауіпті вирустан қырылып қалған.

Бір күн бұрын вирусты  жүздеген жәндіктер мен жануарлар жұқтырған. Лима департаментінің жағажайларында өлі құстар табылуда. Айта кетейік, төтенше жағдай режимі жыл соңына дейін сақталады. Өйткені билік вирус бүкіл елге таралуы мүмкін деп қауіптенеді.

Вирус штамы Латын Америкасының басқа елдеріне де таралуда. Жануарлардың жұқтыру жағдайлары Эквадор, Боливия, Чили, Парагвай және Уругвайда да анықталды. Ветеринарлардың айтуынша, ауру алдымен пеликандарға жұққан, енді теңіз сүтқоректілеріне де тарап жатыр.