Перуашев : Түркістандағы алаңға қанша қаражат жұмсалды?

«Ақ Жол» фракциясының басшысы Азат Перуашев «Астана» клубының Түркістанда нөсер жаңбыр астында өткен жергілікті «Тұранмен» кездесуі туралы пікір білдірді.

Бұл жайлы Orda.kz хабарлайды.

Алаңда жаңбырдан шұңқырлар пайда болды. Футболшылар алаңда 90 минут ойнады.

— Түркістандағы 39 млн долларға салынған жаңа алаңның су басқанын, футбол маусымының осы судың үстінде басталуы қызу талқылануда. «Ақ жол» демократиялық партиясының депутаттары кәсіби клубтардың орнына балалар мен жасөспірімдер спортын қаржыландыру қажеттігіне бұрыннан назар аударып келеді. Бірақ су толған алаңда балалар да легионерлер де ойнамауы керек,- деді Перуашев

Ол Түркістан облыстық мәслихатының депутаттарынан «Ақ жол» партиясынан облыс әкімдігі мен спорт басқармасына келесі сұрақтарды жолдауды сұрады:

• Осы алаңның құрылысына қанша бюджет қаражаты жұмсалды? Ашық ақпарат көздерінің мәліметінше, Түркияда 27 мың көрерменге арналған «Сивас Арена» стадионының құрылысына 21 миллион доллар кеткен, оған 744 көрермен сияды. Түркістанда бұл көрсеткіш бір жанкүйерге 5,5 мың доллардан асқан. Бұл ақпарат шындыққа сәйкес келе ме?
• Бұл нысанды кім қабылдады?
• Бейнеде анық көрсетілген стадионның су ағу жүйесінің кемшіліктерін кім және кімнің есебінен қалрына келтіреді?
• Алаңда басқа да кемшіліктер болуы мүмкін. Осыған байланысты оның құрылысы мен жұмыс істеу сапасын қайта тексеру қажет.
• Балалар мен жасөспірімдер спортына облыс бюджетінен қанша қаражат бөлінеді? Аймақтағы бір спорт мектебінің орташа бюджеті қандай? Бұл шығындарды осы стадионның шығындарымен салыстыруға бола ма?

Перуашевтің айтуынша, бұл проблемалар біздің экономикамыз бен құрылыс нарығын монополияландырудың нәтижесі.

— Соңғы жылдары орталықтағы және әртүрлі аймақтардағы ең ірі құрылыс жобаларын бір компания қабылдауда. Облыстарда арзанырақ және сапасы сәйкес келетін нысандар тұрғызуға дайын жергілікті құрылысшылар жоқ па? Оларды тауып, заманауи технологиялар мен әдістерді үйрететін, қажетті деңгейге шығаратын кез келді. Бұл ашық және адал бәсекелестік құрылысын қоса алғанда, кез келген өнімнің сапасы мен қолжетімділігі үшін күресте тиімді құрал бола алады, — деп атап өтті саясаткер.

Авторы: Жанна Сағади
Аударған: Мұхит Тұрсынәлі