Пермьде адам өлтірген Ресейлік 20 жыл бойы Павлодарда жасырынып келген

Павлодарда полицейлер жиырма жыл бұрын Ресей Федерациясының Пермь қаласында адам өлтірді деп айыпталған 46 жастағы қашқынды ұстады.

Бұл туралы Orda.kz Павлодар облысы ІІД баспасөз қызметіне сілтеме жасап хабарлады.

– Анықталғандай, 2001 жылы ер адам Ресейде бойжеткенді өлтіріп, кейін Павлодар қаласына келген. Ол өзінің тегіндегі бір әріпті әдейі өзгерткен. Қашқын қазір қамауда, - деді Павлодар облысы ІІД басшысының орынбасары Эльдар Әбдікенов.

Қылмыскер тек 2021 жылы «Іздеу» жедел-алдын алу шарасы кезінде табылған.

Павлодардан бұдан басқа 19 жыл бұрын істі болған 52 жастағы Қырғызстан азаматы ұсталды.

Полиция оған қандай айып тағылғанын нақтылаған жоқ.