Пермь мемлекеттік университетінде жас жігіт оқ жаудырды

Пермь мемлекеттік университетінде белгісіз біреу оқ жаудырды.

Бұл туралы Orda.kz хабарлады.

Интерфакстың хабарламасына сүйенсек, қаза тапқандар мен жараланғандар бар.

Пермь университетінің Telegram-дағы ресми арнасы ескерту жариялады. Студенттерге университет ғимаратына жақындамауға кеңес берілді.

Студенттер ғимараттан шығу үшін терезеден секіре бастаған. Оқ атушы 8-ші ғимаратта өзін оқшаулап алған.

Алдын ала мәліметтер бойынша, атыс шығарған 18 жастағы Тимур Бекмансуров.

Тимур Бекмансуров жасалған шабуылы туралы жазба жариялады.

- Мен бұл туралы ұзақ ойландым. Ұзақ уақыт өтті. Арманым орындалатын күн келді, - деп жазды ол.

Сондай-ақ, ол психиатрдан қалай өткенін, қару-жарақ сатып алғанын және шабуылды қалай дайындағанын толыққанды жазған. Оның айтуынша, ол бастапқыда бұрынғы мектебіне шабуыл жасамақшы болған, артынша наурыз айының соңында өз ойын өзгерткен екен.

Алдын ала мәліметтер бойынша, атыс салдарынан 5 адам қаза тапты, тағы екі адам жарақат алды, деп жазды жергілікті БАҚ.

112 телеграм арнасының хабарлауынша, үш адам қаза тапқан. Бірақ ресми мәлімдеме жасалмаған.

Атыс жалғасуда. ОМОН оқиға орнында жұмыс істеуде. Оқиға орнына жансақтау бөлімшесі де келді.