Перизат Қайраттың жыры осымен тәмам: Үкім өзгеріссіз қалды

Астана қалалық апелляциялық соты «қайырымдылық жасаушы» атанған Перизат Қайрат пен оның анасы Ғайни Алашбаеваға қатысты үкімді күшінде қалдырды, деп хабарлайды Orda.kz.

Апелляциялық шағымды қарау аралас форматта өтті. Сот залында офлайн тек судьялар мен прокурор болды. Жәбірленушілердің өкілдері мен айыпталушылардың адвокаты Асланбек Даулетияров отырысқа онлайн қосылды.

Отырыста 13 жәбірленушінің өкілі сөз сөйледі. Олардың арасында қазақстандық ірі банктер — Forte, Alatau City Bank (бұрынғы Jusan), Kaspi мүддесін қорғаған заңгерлер де болды.

Жәбірленушілер әртүрлі уәж келтіргенімен, бәрі бірауыздан бірінші сатыдағы сот үкімін өзгеріссіз қалдыруды сұрады.